zorro

الفن والسينما
 
الرئيسيةالتسجيلدخول

شاطر | 
 

 قصة واقعية " الجني صديقي"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
emy
امبراطورة المنتدى
امبراطورة المنتدى
avatar

عدد الرسائل : 3623
العمر : 31
تاريخ التسجيل : 12/05/2007

مُساهمةموضوع: قصة واقعية " الجني صديقي"   الثلاثاء مايو 20, 2008 5:49 pm

السلام عليكم


انا شاب من مصر وعندي الان 22 سنة
من 7 سنين تقريبا وانا عندي 15 سنة كنا بنبحث عن بيت نشتريه علشان نعيش فيه لاننا كنا ساكنين في شقة صغيرة بعد وفاة والدي رحمه الله ولان انا بدأت اكبر فكان لازم نشتري بيت علشان اتجوز فيه بعدين

المهم فضلنا ندور على بيت او حتة ارض نشتريها لكن مالقيناش.
الغريبة ان في واحد زارنا في يوم وقالنا انه عنده بيتين جنب بعض بيتباعوا وانه هو سمسار وسمع اننا بندور على بيت نشتريه
الغريبه ان البيتين هايتباعوا مرة واحدة

والبيتين كانوا ملاصقين لبعض
ولان سعرهم كان قليل جدا يكاد لايشتري اوضة فوق سطوح فاحنا جرينا بسرعة وتممنا كل اجراءات الشراء دون السؤال حتى عن سبب السعر الزهيد ده

المهم احنا قعدنا في بيت منهم وكان تقريبا مهجور قبل مانجيه زي ما يكون مفيش حد سكنه من سنين
اما البيت التاني فكان اسوأ حال من الاول .
بدأنا نتعامل مع الجيران لكن كنا كل ما بنبص في عيونهم - حتى الاطفال الصغيرين - كنا بنشوف نظرات شفقة وعطف زي ما يكون احنا في مشاكل وصعبانين عليهم
المهم مرت الايام دون ان نرى من المنزلين اي شيء يعكر صفو الحياة فيهم او ان حد من الجيران يقولنا ايه سبب نظرات العطف ده
لكن بعد سنتين قررنا انا نخلي البيتين بيت واحد علشان نوسع واقدر ابني لي شقة كويسه اسكن فيها بعد الزواج .
وقد كان وبدأت المشاكل تظهر
في الاول واحنا بنهد البيت الاولاني . جه واحد عجوز لوالدتي يقولها " لو لقيتي جرة او زلعة مدفونة تحت البيت مش تفتحيهاغير في وجود عراف " . ماما استغربت جدا من الكلام وجت حكت لي لكن انا فضلت اضحك
في اول يوم للهدد عدى طبيعي جدا
لكن في تاني يوم والعمال بيحفروا في الجدار الشرقي حصل حاجة غريبة
العمال ندهوا عليا ووروني لكتاب شكله قديم جداااااااااااااااااااا وقالولي اقرى يا استاذ كدا الكتاب ده
قلتلهم انتوا لقيتوه فين ؟
قالولي : هنا واحنا بنحفر في الجدار الشرقي.
حاولت افتح الكتاب لكن الغريب ان الكتاب ماكانش بينفتح معي
كل ما اجي افتحه الاقيه بيتقفل تاني بشكل قوي وعجيب
حاول العمال انهم يفتحوه بالقوه
لكن الغريب ان الكتاب كان بيتقفل تاني قبل ما الحق اشوف فيه اي حاجة
من تكرار المحاولات في فتح الكتاب عرفت انه مافيهوش غير صفحة واحدة وكان الكلام فيه غريب مش كلام عربي ولا فارسي ولا مكتوب باي لغة بشرية خالص
اخدت الكتاب من ايد العمال بعد ما اقنعتهم ان الكتاب ده عبارة عن حجاب وضعه صاحب البيت الاولاني علشان الحسد
وانه مابيفتحش لان الجلد بتاعه نشف جدا ولانه مقوى بالحديد من الداخل .
رجع العمال يكملوا حفر وانا اخدت الكتاب وطلعت من البيت ووضعته في كيس بلاستيك ورميته في النيل.
عدت ايام الهدد عادية جدا بدون اي مشاكل او مفاجات اخرى ودون ان تعلم والدتي عن موضوع الكتاب اي شيء

بعد ايام بدأنا في الحفر في اساس البيت علشان نرمي الحصيرة بتاعت الاساس والقواعد الاسمنتية
وفي اليوم ده كان معي خالي والعمال وبس وكان يوم جمعة
الحفر استمر من 9 صباحا حتى 10.30 بدون اي مفاجات
لكن المفاجاة حصلت لما نده لنا احد العمال وهو مرعوب وبيقول : الحقونا يا اساتذه بيتكم ترب
انا ذهلت من الكلمة والصوت اللي كان بينده بيه العامل
لكن قمنا بسرعة واتجهنا عليهم وبصيتا في الحفرة اللي قصاد العامل لقينا منظر مرعب فعلا
جمجمة بشرية في الحفرة

خالي وبكل حكمة وجرأة نزل ومسكها وقعد يقلب فيها وبعدين ناولها لاحد العمال علشنا يخرجها برة الحفرة
ومسك الفاس من العامل التاني وبدأ يحفر بنفسه
منظر رهيب
مرعب
مش جمجمة واحدة
ده جماجم وعضم كتير وقماش ابيض
بدأ خالي يصرخ بصوت عالي في العمال كملوا حفر في كل البيت وماتخافوش
العمال بدأوا يكملو حفر وهم مرعوبين وانا واقف باتفرج عليهم وكاني في عالم تاني
خالي بص لي وقالي " ايه ياطالب الطب انت كمان هاتخاف ؟
اجري بسرعة اقف هناك وماتخليش حد ييجي هنا ا يشوف المنظر ده خالص
بالفعل ماحدش جه
وبعد ساعتين كان خالي خلص هو والعمال حفر وخرجو كل الجماجم والهياكل العظمية المتكسرة الموجودة من الحفر ووضعوها في جوالات الاسمنت الفارغة
كانوا اكتر من 20 شيكارة اسمنت معبئين بالجماجم والعظام البشرية
خالي اتصل بصديق له في الشرطة بعدها لكن طلب منهم انهم ييجوا بهدوء علشان الشوشرة .
بالفعل جت الشرطة وفحصت كل حاجة وبعيد الضابط امر واحد من المخبرين اللي نعاه انه يفضل جنب الشكاير
واخدنا انا وخالي ورحنا على عمدة القرية
بدأ خالي يسأله عن اصل وفصل البيت ده
العمدة كان صغير في السن حوالي 40 سنة علشان كدا قالنا انا ما حضرتش بناء البيت لكن ممكن اجيبلكم اللي يقدر يعرف
بعد نص ساعة دخل علينا 3 شيوخ كان بعت العمدة استدعاهم علشان يفيدونا في الموضوع
قالوا كلام كتير فهمنا منه ان البيت ده كان تحته مقبرة البلدة من اكتر من 50 سنة
خالي قالهم : ده عادي لكن اللي مش عادي لو ان بيظهر فيه اي حاجة تخوف
رديت انا ساعتها على خالي وقلت له : انا مش ممكن اسكن في البيت ده
احنا نبيعه ياخالي ونسيب البلد ده خالص كمان
خالي قال : لا يادكتور بيع البيت مش بالسهل كدا وماتخافش بس اهم حاجة ان مفيش حد يعرف بالموضوع ده غيرنا
رجعنا البيت تاني وشددنا حراسة على الشكاير الموجودة لغاية لما الليل دخل علينا
رحنا انا وخالي والظابط و2 مخبرين وعمدة البلد و 2 رجاله من رجالته اخدنا الشكاير في عربية حديد من اللي بتشيل روث المواشي في الارياف وذهبنا الى المقابر وقمنا بفتح مقبرة ودفناهم فيها ورجعنا.
وتم بناء البيت دون اي مشاكل تذكر بعد كدا
وعملنا بدروم في البيت على كامل مساحة الارض وبعد كدا بنينا دورين فوقه.
في البدروم كان في الخزين بتاع البيت وكمان فيه فرن غاز ماما بتخبز عليه وبتعمل عليه الطواجن وخلافه
وكان في اوضة تانية فيها كتبي ومكتب صغير كنت وكنبة انترية في الجانب التاني
الاوضه ده كنت باقعد فيها بعيد عن الدوشة لما باحب اقرى في كتاب ادبي او ديني او اراجع ورد القران بتاعي
المكتب كان في وش الباب في الناحية التانية وكان عليه راديو صغير باشغله قران دايما لما باقعد فيها علشان انا مانسيتش اللي حصل من 4 سنين في البيت
المهم
في يوم انا كنت قاعد في اوضتي في الشقة فوق على الكمبيوتر باكلم واحدة زميلتي عالنت وكانت الساعة تقريبا 2.20 الفجر
الكلام اخدنا عن كتب الادب فقالت انها عاوزة كتاب اسمه "طوق الحمامة" وانها سمعت عنه . فقلت لها هو عندي من زمان بس مش متاكد هو عندي الان ولا عند واحد من اصحابي
فقالت لي اتاكد ولو لقيته عندك هاته معاك الكلية بكره ضروري
فقلت لها : ثواني هاتأكد ونزلت بسرعة للبدروم
وفتحت باب البدروم
ودخلت
وفتحت باب الاوضة اللي انا باقرى فيها
نورت النور
واذا بي افاجأ بشخص جالس مكاني على المكتب
رؤيتي ليه لم تستر لجزء من الثانية طلعت اجري بسرعة من البدروم
مذهول مما حدث
مرعووووووووووووووووووب
حاولت اهدي نفسي
قلت اكيد تهيئات
فضلت اكدب في نفسي مرة والتانية والتالتة
لغاية ماجرأت نفسي تاني اني ادخل واشغل الراديو
هو مظبوط على اذاعة القران الكريم اول ما اخحط الفيشة هايشتغل لوحده على القران
دخلت بسرعة متجه نحو المكتب
ماكنش في حد عليه المرة ده
حطيت الفيشة بلهفة ورعب
اشتغل القران
حسيت بالراحة
بالفت وشي لقيت نفس الشخص قاعد على كنبة الانتريه الناحية التانية اللي هي نفس الجدار اللي كنا لقينا فيه الكتاب اياه من 6 سنين
المرة ده صوت القران كان بيطمني اني ادقق في الوش شوية
لكن فين الوش
مفيش وش ظاهر
في واحد لابس هدوم ملوك وقاعد حاطط ايده على جبهته و مغطي وشه بايده وكانه بيفكر في حاجة
رغم اني طولت المرة ده لكن الموضوع ما اخدش اكتر من 3 ثواني
خرجت جري وانفجرت في البكاء وطلعت على والدتي بسرعة عاوز احكيلها على اللي حصل لكن قلت لا
انا استحملت السنين اللي فاتت ده وماقلتهاش مش عاوز اكرهها في البيت واخوفها

المهم تاني يوم رحت لخالي وحكيت له على اللي حصل
قاللي : لو كان اللي شفته ده وحش ماكناش ظهر في وجود القران الكريم
بالفعل انا كنت مستغرب من كدا
القران شغال
وهو موجود
وكما هدومه كويسه
مش هدوم حد شرير
رجعت البيت وكأن شيء لم يحدث
كلام خالي طمني شوية
بالليل تاني يوم قررت اني ما اسيبش الموضوع يعدي كدا
نزلت الاوضة وكان القران شغال فيها من امبارح ونورها كمان شغال
نزلت وقعدت فيها لغاية اخر الليل لكن ماشفتش فيها اي حاجة غريبة في اليوم ده
تاني يوم كذلك
وعدت ايام كتير وانا باكرر نفس العمل يومياً
في يوم وانا فيها
جعت شوية
طلعت عملت اكل وكان عبرة عن بيض مقلي بالسمن وجبنه وعيش
عملت الاكل واخدته ونزلت تحت واكلته تحت
وبعدين اخدني النوم فيها
بعد ما اخدني النوم سمعت حد بيندهلي بصوت عالي "قوم غطي السمن "
انتبهت لكن قلت ده اكيد حلم ولا حاجة
اخدني النوم تاني
سمعت نفس الصوت بنفس الجملة "قوم غطي السمن "
برده ماحطيتش اهتمام
المرة التالته كانت قوية شوية
الكلام اتحول لافعال
ضربة قوية في كتفي زي مايكون حد بينبهني لحاجة مهمة وبرده صاحبتها نفس الجملة "قوم غطي السمن "
طلعت بسرعة على المطبخ مذعور عاوز اشوف ايه حكاية السمن
لقيت فعلا السمن مكشوف
الله
ده فعلا نذير خير
مش ممكن يكون شر ابدا
نزلت تاني وكاني عاوز ادور عليه علشان اشكره
لكن مالقيتش حد
اخيرا
اخيرا
اخيرا
خوفي منه تحول الى حب وطمأنينه
تمنيت انه يظهرلي واكلمه

.................. بعد موضوع السمن اياه حسيت اني مطمن من ناحية اللي بيحصل في البيت وبدأ خوفي يتبدد لغاية لما تحول الى رغبة في اني اشوف اللي موجود معانا في البيت ده واكلمه.

ماحكيتش عن موضوع السمن لخالي كالعادة لكن رحت حكيت لواحد صاحبي متابع لافلام الاكشن باسأله عن طريقة ممكن يتخيلها علشان اعرف بيها اكلم الجني ده او اشوفه
بالفعل دلني على طريقة هو كان شافها في فيلم قبل كدا وهي اني اكلمه عن طريق وسيط وليكن الوسيط ده جهاز تسجيل مثلا
طلبت منه شرح اكتر
قاللي انت تجيب جهاز تسجيل وتحط فيه شريط فاضي وتبدأ التسجيل
وتسأل اسئلة اللي انت عاوزها له
وبين كل سؤال وسؤال تسكت شوية
لما تيجي بعد كدا تشغل الشريط اللي انت سجلته هاتلاقيه سجل صوتك وكمان صوت الجني عليه اللي انت ماسمعتوش بطريق مباشر
اااااااااه كده فهمت ماشي
ورحت على طول يومها عملت الفكرة ده
جبت الكاسيت وحطيت فيه الشريط الفاضي وبدأت اسأل الاسئلة
- أنت مين ؟؟
-انت خير ولا شر ؟
-عاوز ايه من البيت ده ؟
-ليه ظهرت لي انا بالذات ؟
-انت موجود في البيت ده ازاي ؟
- ايه حكاية الكتاب اللي كان موجود في الجدار بتاع البيت واحنا بنهده ؟

بعد ما سجلت الاسئلة وعملت زيي ماصاحبي قاللي بالظبط
بصراحة كنت باترعب وانا باضغط على زراير الكاسيت وباعمل توقف للتسجيل وبابدأ ارجع الشريط تاني علشان اسمع صوت الجني
كان الدنيا شتاء جدا وكان الليل مرعب
خفت في اليوم ده اني اشغله وقررت اني مش اسمع الشريط غير بالنهار وتركت الاوضة ومشيت على فوق نمت.
صحيت تاني يوم بعد صلاة الضهر
صليت الضهر ونزلت على تحت
شغلت الشريط
ماسمعتش حاجة
قدمت شوية
مفيش حاجة
الشريط خلص
ومفيش فيه غير صوتي انا بس

الظاهر ان الحكاية بتاعت الفيلم اياها فشلت
لازم طريقة تانية

فضلت افكر في طريقة
قلت طيب انا ممكن انزل واتحايل عليه يكلمني
عملت كدا
ونزلت استعطف فيه
لكن ماحدش ظهرلي ولا كلمني
سألت ناس كتير من اللي بيفهموا في موضوع الجن والحجات ده
لكن كانوا بيقولولي ان الجن لهم لغة خاصة
مش اي حد يكلمهم
لازم بلغتهم
المهم
عدت ايام كتير وصلت لشهور
كنت انا نسيت الموضوع ونسيت اللي حصل
في يوم وانا باذاكر في الاوضة اياها احتجت اني ابص في مرجع كيمياء كنت ما بصيتش فيه من سنة او اكتر
رحت فتحت المرجع
وفضلت ادور فيه على اللي انا عاوزه
واخدت اللي انا عاوزه ورجعت تاني على مكتبيى
احتجت المرجع تاني
قمت تاني اخدت منه اللي انا عاوزه وسبته في المكتبة ورجعت
لما احتجته تالت مرة حسيت اني هاحتاج كتير
فاخدته وحطيته جنبي على المكتب
بعد كدا بشوية قمت اعمل حاجة اشربها
طلعت فوق ودخلت المطبخ وبدأت اعمل شاي
سمعت من تحت صوت قران
غربية انا مش مشغل اي قران تحت
قلت يمكن حد من الجيران والصوت بينكسر عندي
غريبة تاني
الساعة متأخر دلوقتي وماحدش من الجيران ممكن ينهبل ويصحى يشغل قران دلوقتي
المهم فضلت احط في احتمالات
عملت الشاي ونزلت
غريبة تاني
الصوت لسه موجود
جاي من الاوضة
انا طافي الراديو عشلان اعرف اذاكر
مش معقول
مين ده
الصوت موجود
ده مش صوت راديو
ده واحد عادي بيقرا قران
الله
ده بيقرأ في لاايه الكريمة من سورة طه
" ومن يعرض عن ذكري فإن له معيشة ضنكا"
وبعد كدا الصوت اختفي
لا مش ممكن
مرجع الكيمياء انا سايبه مقفول
طيب ازاي دلوقتي مفتوح ؟
بصيت عليه
مفتوح على صفحة غريبة جدا
ده مش من الكتاب
فيها كلام مكتوب بطريقة غريبة
لكن الكلام عربي
بس الخط غريب جدا
مكتوب بالترتيب

بسم الله الرحمن الرحيم
أنا عبد من عباد الله
ولي عهد عليك ولك مني نصيحة
عهدي عليك أن لا تفعل في سكني الا ما يرضي الله
ونصيحتي
"ومن يعرض عن ذكري فإن له معيشة ضنكا"

*************************************
تــــــــــــــــــــــــــــــــــــــــــــأبــــــــــــــــــــــــع
الرجوع الى أعلى الصفحة اذهب الى الأسفل
emy
امبراطورة المنتدى
امبراطورة المنتدى
avatar

عدد الرسائل : 3623
العمر : 31
تاريخ التسجيل : 12/05/2007

مُساهمةموضوع: رد: قصة واقعية " الجني صديقي"   الثلاثاء مايو 20, 2008 5:50 pm

غريبة
نفس الاية
ده قاصد يجاوبني عن اسئلتي اللي كنت عاوز اعرفها منه
طيب ما جاوبهاش كلها ليه
ايه حكاية الكتاب اياه
وليه اختارني انا بالذات
لكن الان انا اطمنت اكتر
خير

ستكمل هذه القصة لما يرجع صاحبها
وشكرا
الرجوع الى أعلى الصفحة اذهب الى الأسفل
Cobra_Sam
عضو جيد جدا
عضو جيد جدا
avatar

عدد الرسائل : 138
تاريخ التسجيل : 25/10/2007

مُساهمةموضوع: رد: قصة واقعية " الجني صديقي"   الخميس مايو 29, 2008 12:01 am

Thank You
الرجوع الى أعلى الصفحة اذهب الى الأسفل
emy
امبراطورة المنتدى
امبراطورة المنتدى
avatar

عدد الرسائل : 3623
العمر : 31
تاريخ التسجيل : 12/05/2007

مُساهمةموضوع: رد: قصة واقعية " الجني صديقي"   الخميس مايو 29, 2008 11:01 am

ميرسى اوى يا كوبرا على مرورك والرد الجميل
الرجوع الى أعلى الصفحة اذهب الى الأسفل
Ashraf.Ghost
وسام نشاط العضو المميز
وسام نشاط العضو المميز
avatar

عدد الرسائل : 298
العمر : 31
تاريخ التسجيل : 11/05/2008

مُساهمةموضوع: رد: قصة واقعية " الجني صديقي"   الخميس مايو 29, 2008 7:54 pm





الرجوع الى أعلى الصفحة اذهب الى الأسفل
Cobra_Sam
عضو جيد جدا
عضو جيد جدا
avatar

عدد الرسائل : 138
تاريخ التسجيل : 25/10/2007

مُساهمةموضوع: رد: قصة واقعية " الجني صديقي"   الأحد يونيو 01, 2008 9:52 pm

منتظر المذيد
الرجوع الى أعلى الصفحة اذهب الى الأسفل
احمد دريم
عـضـو جـد يـد
عـضـو  جـد يـد


عدد الرسائل : 6
تاريخ التسجيل : 12/09/2007

مُساهمةموضوع: رد: قصة واقعية " الجني صديقي"   الجمعة سبتمبر 04, 2009 11:48 pm

منتظر البقيه
الرجوع الى أعلى الصفحة اذهب الى الأسفل
 
قصة واقعية " الجني صديقي"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» "عقدة البدري" تهدي الحدود اللقب الثاني
» زوج ساندرا بولوك يتحدث عن ملابسات "الخيانة"
» ?? «« قصـــة حيـــاة الجنتـــل الأسمـــر " تري هنري " »» ??
» اعرف اكثر عن زوجات الرسول"صلى الله عليه وسلم"
» فيت لأزالة الشعر الزائد " احسن طريقة بشهادة فتيات كتير "

صلاحيات هذا المنتدى:لاتستطيع الرد على المواضيع في هذا المنتدى
zorro :: المنتدى العلمى :: قسم القصص والاساطير-
انتقل الى: